Ceannasaí Measúnaithe – Measúnú Teicneolaíochta Sláinte
Láthair: Corcaigh, Baile Átha Cliath nó Gaillimh
Grád: Ard-Phríomhoifigeach Cúnta
Tionacht: Conradh Sainchuspóireach (Clúdach Máithreachais)
Is é cuspóir an róil seo bheith mar chuid d’fhoireann ildisciplíneach atá freagrach as cur chun feidhme éifeachtach chláir HIQA chun measúnuithe teicneolaíochta sláinte ardcháilíochta, comhairle eile fhianaisebhunaithe agus aschuir sintéis fianaise a sholáthar, agus dá bhrí sin modheolaíocht fhianaisebhunaithe a leabú i bpróisis chinnteoireachta sláinte in Éirinn. Tá Stiúrthóireacht HTA, ar an iomlán, comhdhéanta de thimpeall ar 60 anailísí.
Oibríonn HIQA i gcomhar le páirtithe leasmhara ardleibhéil, le grúpaí acadúla agus le gníomhaireachtaí HTA ó thíortha eile chun na cuspóirí sin a bhaint amach. Áirítear le raon feidhme obair Stiúrthóireacht HTA sintéis fianaise agus comhairle fhianaisebhunaithe a sholáthar chun bonn eolais a chur faoi bheartas sláinte poiblí, agus HTAnna a sholáthar chun bonn eolais a chur faoi chinnteoireacht maidir le hinfheistiú nó dí-infheistiú a dhéanamh i dteicneolaíochtaí agus cláir shláinte, lena n‑áirítear cinntí a bhaineann le cláir náisiúnta scagthástála agus cláir náisiúnta imdhíonachta. Beidh an Ceannasaí Measúnaithe rannpháirteach go gníomhach in obair Stiúrthóireacht HTA agus HIQA chun an plean gnó bliantúil a chur i gcrích i gcomhréir leis na cuspóirí straitéiseacha a leagtar amach i bPlean Corparáideach HIQA.
Riachtanach:
Cáilíocht iarchéime (Máistreacht, PhD) i ndisciplín ábhartha amhail taighde ar sheirbhísí sláinte, eacnamaíocht sláinte, staitisticí nó matamaitic (nó in eolaíocht a bhaineann le sláinte lena ngabhann cion ard taighde ar sheirbhísí sláinte)
taithí seacht mbliana ar a laghad ar thaighde ábhartha ar sheirbhísí sláinte.
Tairbhí de bheith ag obair ag HIQA:
30 lá de shaoire bliantúil
Scéim Pinsin
Deiseanna Foghlama agus Forbartha
Club Sóisialta
Clár Cúnaimh d’Fhostaithe
Scéim Tacaíochta don Oideachas Acadúil
Tá na sonraí iomlána agus an fhoirm iarratais ar fáil ag Gairmréimeanna in HIQA (recruitisland.ie)
Ní mór an fhoirm iarratais chomhlánaithe a chur isteach faoina 5:00i.n. Déardaoin, an 9 Aibreán 2026.
Ní ghlacfar ach le hiarratais ghréasáin atá comhlánaithe go hiomlán ar Careers with HIQA (recruitisland.ie). Ní ghlacfar le CVanna. Is fostóir comhdheiseanna é an tÚdarás um Fhaisnéis agus Cáilíocht Sláinte.
#J-18808-Ljbffr